नयाँदिल्ली, भारतमा पछिल्लो २४ घण्टामा थप तीन लाख ६२ हजार ७२७ जना नयाँ कोरोना सङ्क्रमित थपिएका छन् । १८ लाख ६४ हजार ५९४ जनामा गरिएको परीक्षण तीन लाख ६२ हजार ७२७ जनामा सङ्क्रमणको पुष्टि भएको हो ।
भारतीय समाचारमाध्यमका अनुसार गत २४ घण्टामा तीन लाख ५२ हजार १८१ जना सङ्क्रमित कोरोनामुक्त भएका छन् । हालसम्म एक करोड ९७ लाख ३४ हजार ८२३ जना सङ्क्रमित निको भएका छन् ।
भारतमा हालसम्म दुई करोड ३७ लाख तीन हजार ६६५ जना सङ्क्रमित भएका छन् । भारतमा हाल ३७ लाख १० हजार ५२५ जना सक्रिय संक्रमित रहेका छन् ।
पछिल्लो चौबीस घण्टामा चार हजार १२० जना सङ्क्रमितको मृत्यु भएको छ । हालसम्म दुई लाख ५८ हजार ३१७ जनाको कोरोना सङ्क्रमणले मृत्यु भएको हो । एजेन्सी
प्रतिक्रिया
