रुस, रुसी राष्ट्रपति भ्लादिमिर पुटिनका कट्टर विरोधी तथा भ्रष्टाचार विरोधी विपक्षी नेता एलेक्सी नाभाल्नीलाई अज्ञात ठाउँमा लगिएको अन्तर्राष्ट्रिय सञ्चारमाध्यमले जनाएको छ । उनलाई मस्कोको जेलबाट निकालेर अज्ञात ठाउँमा लगिएको हो ।
नाभाल्नीका सहयोगीका अनुसार उनलाई कहाँ लगिएको हो भन्नेबारे केही जानकारी दिइएको छैन । उनलाई भ्रष्टाचारको अभियोगमा तीन बर्षको जेल सजाय सुनाइएको छ ।
रुसी राष्ट्रपति पुटिनका कडा आलोचक नाभाल्नीलाई दोषी ठहर गर्ने आदेशलाई राजनीतिक प्रतिशोध मानिएको छ । उनलाई पक्राउ गरिएकोमा समेत अन्तर्राष्ट्रिय समुदायले विरोध गर्दै आएका छन् ।एजेन्सी
प्रतिक्रिया
