न्युयोर्क, विद्युतीय कार कम्पनी टेस्लाका मुख्य कार्यकारी अधिकृत (सीईओ) एलन मस्क यो वर्षको जनवरीमा संसारको सबैभन्दा धनी व्यक्ति बनेका थिए । तर एक महिनापछि नै उनको शीरबाट यो उपाधि खोसिएको बीबीसीले जनाएको छ ।
एक महिनाअघि टेस्लाको शेयरको मूल्यमा जबरजस्त उछाल आएका कारण मस्कको कूल सम्पत्ती १ खर्ब ८५ अर्ब डलर पार गरेको थियो ।
तर, एलन मस्क अहिले आफ्नो कम्पनीको शेयर मूल्यमा गिरावट आएका कारण दोस्रो धनी व्यक्तिको सूचीमा झरेका छन् ।
यसका साथै अनलाइन सपिङ प्लेटफर्म अमेजनका संस्थापक जेफ बेजोस एकपटक पुनः संसारको सबैभन्दा धनी व्यक्ति बनेका छन् । जसलाई एलन मस्कले आफ्नो शेयर मूल्यको बलमा पछाडि पारेका थिए।
जानकारहरुका अनुसार हालैका दिनमा बिटक्वाइनमा आएको गिरावटले समीकरण परिवर्तन गरिदिएको हो ।
प्रतिक्रिया
